Op Zaoterig 6 Jannewarie vanaaf 20.11oer is in ’t Forum Theater de oetruipingszitting van Sjtadsvastelaovesvereiniging De Marotte Zitterd mit de bekendmaking van de Sjtadsprins 2018. Eine bondje aovend mit offesjeel momente, meziek, kolder en protocol. De zaal is vanaaf 19.30oer geäöpend.
De tradisjoneel illemente van de oetruipingszitting zeen de bekendmaking van de nuuje Ridder in de Orde van de pappegey en natuurlik de Oetruiping van de nuuje Sjtadsprins.
Daonaeve is ein pregram mit humor en kolder van buuttereedner Hub Stassen en ’t komische duo Upke Dupke. Meziek is d’r van Zittesje zengesj van de Marotte CD ‘Veer zeen Zitterd’ en van de Kellerjunges. De muzikaal omliesting en de ‘afterparty’ is in henj van de Marottekapel.
Om 23.11oere zal Vors Marot de naam van de 87e Sjtadsprins van Zitterd onthulle, dae volges tradiese zelf neit aanwezig is. Nao de bekendmaking gaon de Bielemen op paad om in de Zittesje kafees ‘t ‘Tillegram van de Pappegey’ te brenge.
Kaarte veur de Oetruipingszitting zeen allein te koup in de Marottewinkel, geäöpend op donderdig tössje 10.00 en 14.00oer en op zaoterdig tössje 10.00 en 17.00oer. Es de zitting neit is oetverkoch zeen zaoterdigaovend nog kaarte te koup bie ’t Forum.
Bron: De Marotte Zitterd
