Kénjer van OBS de Sjtadssjool höbbe deze middig, zondig 28 Jannewarie, mit ’t leidje ‘Eine TOP Vastelaovend’ ’t Kinger Vastelaovendleidjes Festival 2018 (KVL) gewonne. De finale van dit Vastelaovesleedjes Festival veur en door kénjer in de laeftied van de basissjole waar dit jaor in Ruiver.
Oet de 11 finaliste, die allemaol ein sjitterend optraë op de buun brachte, háw de zjurie, die besjong oet ein vakzjurie en kénjerzjurie, de leste taak om de wénnesj te keize. Toen de oetsjlaag woort bekénd gemaak ging bie de Sjtadssjool ’t daak draaf, toen zie pés de wennesj woorte oetgeroupe.
Mit ’t wénne van ’t KVL mage de kénjer van de Sjtadssjool optraë op alle grote Vastelaovesevenemente es de Boetezitting in venlo, 11de van de 11de in Mesjtreich en natuurlik op ’t Zittesje Kanon van ’t Balkon.
Op ein tweede plaatsj eindigde Sanne Cremers oet Lömmerich mit ’t leidje ‘Polonaise door de sjool’. De driede plaatsj ging nao De Bubs van Hiej oet Beegden mit ’t leidje ‘Eine van Hiej’
De twee anger finaliste oet ‘Groot Zitterd’ Basissjool Munstergelaen en Basissjool Euverhaove mit ’t Marotte Kénjerleidje ‘Konfetti’ behaolde ein gedeilde veierde plaatsj.
’t Wennende optraë van OBS de Sjtadssjool is hiej onger te bekieke
Foto: L1 / 1Limburg
Video: L11Alaaf
