Marotte Tienerleidje ‘Doe Dao!’

2019 Meziek

Jaorliks sjteit op de Marotte CD naeve de wénnende sjlaagesj van ’t Zittesje Vastelaovesleidjes Konkour ouch ein Kènjer Vastelaovesleidje dat wurt gezonge door kènjer van Basissjole. Naeve ’t Kènjerleidje sjteit de letste jaore ouch ein Tienerleidje op de CD van De Marotte Zitterd. Nao Lisa Schiffler (2017) en Sterre Cuypers (2018) wurt ’t Marotte Tienerleidje dit jaor gezonge door ‘Veier-G’.

Veier-G besjteit oet de veier gezèllige mechelkes Jada, Jazzamin, Jolie en Myrthe van Havo 2 Trevianum in Zitterd. ’t Marotte Tienerleidje 2019 haet is tittel ‘Doe dao!’ en is gesjreve door Myrthe Verblakt en Marc Verblakt. Veier-G is ouch te volge op facebouk

In de vlog hiej onger sjtélle de mechelkes van Veier-G zich veur en is de clip van ’t Tienerleidje 2019 ‘Doe Dao!’ te bekieke.

Video afspelen

Videoclip Marotte Tienerleidje 2019 ‘Doe Dao!’, gezonge door Veier-G

Video afspelen

Veier-G, promovlog veurronje TVK 2019

Tiener Vastelaovesleidjes Konkour (TVK)
Zaoterdig 24 November e.k. doon de mechelkes van Veier-G mit aan de veurronje van ’t Tiener Vastelaovesleidjes Konkour 2019. In dees veurronje haop Veier-G ein plaatsj in de finale van ’t TVK op zaoterdig 9 Fibberwarie te behaole.
De veurronje van ’t TVK vèngk plaatsj in Zitterd in ’t Forum aan de Engelekampsjtraot vanaaf 20.22oere. De entree is gratis.

Update 25 November:
Nao aafloup van de veurronje van ‘t TVK haet de zjurie bekend gemaak dat de mechelkes van Veier-G door gaon nao de finale van ‘t Tiener Vastelaovesleidjes Konkour 2019.
De finale van ‘t TVK 2019 op zaoterdig 9 Fibberwarie in Venray.

Foto: VastelaovendZitterd-RBZitterd
Video: YouTube Veier-G Zitterd