Op vriedig 26 Jannewarie is in Poppodium Volt ‘Fiesta Tropicana’, hét evenement veur de Zittesje jeugd van 11 pés 14 jaor. Vanaaf 19.11oer zeen de deure van Volt geäöpend veur eine gezéllige Vastelaovesaovend.
Ongertössje is ’t eine tradiese dat De Marotte Zitterd jaorliks ein evenement organezeiere sjpisjaal veur de jeug. Zo wurt ouch de meziek deze aovend aafgesjömp op de jeug. DJ Wouter zal de aovend veurzeen van de neudige muzikaal beats en neemes minder es Fabrizio kump optraë. Veur de leifhöbbesj is op ein groot sjerm de finale van ’t LVK te bekieke. Wiejer zeen d’r versjéllende leuke aktiviteite, zo kenne de jeugdige Vasteaovesvierders zich laote sjminke. Naturlik ontbrik ouch eine sjmakelikke traktase neit. Veur ‘t sjoonst verkleide mechelke en sjnaak is eine leuke pries. Sjtadsprins León I zal same mit De Marotte de jeug komme bezuike en mitfeeste.
’t Marotte jeug evenement is eine besjlaote aovend. Allein jongere mit ein geljig entreebendje kriege toegang. Vriewilligesj van De Marotte zulle deze aovend toezich hawte en de aovend begeleide. Auwwesj zeen vanaaf 21.45oer wilkom om te komme kieke. Entreebendjes zeen gratis te verkriege op de basissjole en in de Marottewinkel.
Bron: De Marotte Zitterd
Foto: Arjan Krijntjes / De Marotte Zitterd
