Jubbelei Mok 5×11 jaor Optoch Kommitee

2019

Bie ’t gelaeg van ‘t 5×11 jaorig jubbelei brengk ’t Optoch Kommitee Zitterd ein grote mok (350 cl.) oet mit dao-op alle aspekte oet de Zittesje Optoch: de waages, de meziek, de einzelgenger, ’t köppelke en de grop. Mer ouch ’t maetlint om te zeen in welke kattegrie de waages valle, de läöker, de zjurie, ’t Kèrke en ’t Sjoonste Auwt Wief. ‘t ontwerp van de mok is oet de handj van Marc Webers van Studio MarQ.

De mok is vaatwesjerbesjtendig en kos normaal €11,22, mer vanwaege ’t jubbelei en ’t feit dat geer mit ’t koupe van dees mok ’t Optoch Kommitee sjteunt is de mok te koup veur €9,99.
De mok is te koup in de optochhal (vanaaf Jannewarie) en Sjpisjaal veur de Krismès is de mok in de Optochhal  te koup op maondig 17 December tösje 20.00 en 21.00oere. Wiejer is de mok te koup in de Marottewinkel (Modezaak Van Neer-Eykeler Brandjsjtraot 11), geäöpent op Zaoterdig tössje 10.00 en 17.00 oer, Donderdig tössje 10.00 en 14.00 oer en Koupzondige tössje 12.00 en 17.00 oer.

Bron: Optoch Kommitee Zitterd
Foto: Optoch Kommitee Zitterd