Finaliste Zittesj Vastelaovesleidjes Konkour 2019

2019 Meziek

Jaorliks organezeiert Sjtadsvastelaovesvereiniging De Marotte Zitterd ’t Zittesj Vastelaovesleidjes Konkour. Tradisjoneel wurt ‘t ZVK gehauwte op de letste zaoterdig van Augustus, Zitterd is dao mit de eesjte plaatsj van Limburg wo de sjlaager veur ’t nuuje sezoen wurt gekaoze. De nuuje sjlaager zal waere gekaoze door ein vak-/prominentezjurie en ‘t aanwezige pebliek.

Dit jaor zeen 11 leidjes ingesjik veur de Zittesje Vastelaovessjlaager 2019, dit beteikent dat alle 11 de inzendinge rechsjtreeks door zeen nao de finale van ‘t ZVK op zaoterdig 25 Augustus.

De 11 finaliste in willekeurige volgorde:

  1. ‘Wae haet de meiste sjpas’ van Ger Muijres
  2. ‘Mit de vastelaovend’ van Phil Schaeken
  3. ‘Volle Poele’ mit teks van Jan Dieteren en meziek van Paul Erens
  4. ‘1,2,3 Vastelaovend’ van Thei Wessels
  5. ‘Zuustet zitte in Zitterd’ van Hans Wijnands
  6. ‘Zolang mien vuit mich kènne drage’ van het duo Sjon Smeets en Gian Prince
  7. ‘Mit de meziek mit’ van het duo Ed Geilen en Petro Willems
  8. ‘Nog eine’ van Jack Vahsen
  9. ‘’t Is eine jóng van ós’ van Guus Steinen
  10. ‘Einzelgänger’ van Pascal van Teeffelen
  11. ‘Same viere’ van Maurice Indemans

Veur de finale zal door Notaris Mr. Tim Gielens de laoting waere verrich veur de volgorde van optraë.

Update 25 Juli 2018:
In de finale zulle dit jaor twellef leidjes sjtaon, es twellefde leidje sjteit in de finale ‘t leidje ”t Aller, aller, aller’, gesjreve door Theo Weijman en Mark Willems. Dit leidje waar op tied ingezonje, mer waar in de Sjpam Filter terech gekomme. Omdat ‘t leidje op tied waar ingezonje en voldeit aan de veurwaarde höbbe besjlaote höbbe De Marotte besjlaote dit leidje aan de finaliste toe te vouge, wodoor dit jaor gein 11 mèr 12 leidjes in de finale van ‘t ZVK sjtaon.

De Finale van ‘t Zittesj Vastelaovesleidjes Konkour is op zaoterdig 25 Augustus en vèngk plaats in de sjpeigeltent Bon Vivant op ‘t Sint Rosafestival op de Sjootsveljer.

Bron: De Marotte Zitterd
Foto: VastelaovendZitterd-RBZitterd