Vriedig 19 Jannewarie is in ‘De Hanehof’ in Gelaen de finale van ’t Tiener Vastelaovesleidjes Konkour (TVK). ’t TVK is de zuiktoch nao ’t beste Tiener Vastelaovesleidjes van Limburg. Kenmerkend veur ’t TVK is de vernuujende en soms experimentele Vastelaovesmeziek vol power, enerzjie en Up tempo.
In November is in Doonder de veurronje van ’t TVK gewaes en zeen de finaliste bekend gemaak. Veur Zitterd haet Sterre de ein finale plaatsj behaold mit ’t Marotte Tienerleidje ‘Veer gaon d’r veur!’.
Rondj middernach wurt de oetsjlaag bekend gemaak en is bekend welke Tiener de opvolger wurt van Fiorenza Ruijters die in 2017 ’t TVK haet gewonne.
De finale van ’t TVK wurt laif oetgezonje op ’t medium dat de Tienesj altied bie zich höbbe en väöl op te vénje zeen, namelik via ’t internet. Vanaaf 20.30oer is de finale te bekieke op de Facebouk pagina L11 Alaaf. Mit de Vastelaovesdaag wurt ein samevatting van de TVK finale door L1 op TV oetgezonje.
Mee infermase euver ’t TVK is te vénje op de websait tvk-limburg.nl en op de faceboukpagina van ’t TVK.
