De Marottewinkel äöpent weier de deure

2019

Op zaoterdig 15 December e.k. om 11oere11 äöpene de Marotte, wie tradisjoneel de maonje veur de Vastelaovend, weier De Marottewinkel. Dees door vriewilligesj gerunde winkel is te vènje in de modezaak Van Neer Eyckeler op de Brandjstraot 11 in Zitterd en is geäöpent pes Vastelaoveszaoterdig.

De Marottewinkel haet ein breid assortiment veur de (Zittesje) Vastelaovesvierder. Zo zeen te koup de entreekaarte Oetruipingsaovend (5 Jannewarie), Insjtelasezitting (19 Jannewarie) en ’t Finalesjpektakel (23 Fibbewarie). Ouch zeen entreekaarte veur ‘t Gala Prinsebal te koup in de Marottewinkel.

Natuurlik is de nuuje CD ‘1, 2, 3 Vastelaovend’ mit dao op de Vastelaovessjlaagesj 2019 te koup en zeen naeve de nuuj CD nog versjèllende CD’s oet veurige jaore te koup.
’t Assortiment van de Marottewinkel bevat wiejer o.a. patsje en sjaale van De Marotte, pinkes (ein sjpengske) en versjèllende leuke artikele om cadeau te gaeve. Vanaaf Jannewarie (nao de Oetruipingaovend) is ’t pinke van de Marotte Jaororde 2019 verkriegbaar en ouch de Greutsje Pin 2019 is te koup. Zolang es de veurraod sjtrek is ‘t bekende kalenderke mit Marotte aktiviteite gratis te verkriege.

’t Assortiment van de Marottewinkel (inklesief entreekaarte veur de zittinge) is ouch te koup via de webshop van De Marotte Zitterd via shop.marotte.nl.

Äöpeningstieje van de Marottewinkel:
– Zaoterdig tössje 10.00 en 17.00 oer
– Donderdig tössje 10.00 en 14.00 oer
– Koupzondige tössje 12.00 en 17.00 oer
In de winkel is ’t muigelik om via de Pin te betale.

Bron: De Marotte Zitterd
Foto: De Marotte Zitterd