De Marotte op zuik nao ‘nuuts’ veur jaorblaad De Pappegey

2019

Op 21 Fibberwarie 2019 versjient de 138e edisie van ‘De Pappegey’, ’t jaor- en kolderblaad van Sjtadsvastelaovesvereiniging De Marotte Zitterd. Ouch dit jaor zal de Pappegey weier versjiene in de vorm van eine glossy. De redaksie is op zuik nao ‘nuuts’ veur dees edisie en vreeg dao bie ouch eur hulp.

Naeve ’t offisjeel gedeilte mit o.a. de nuuje Sjtadsprins en historie wurt weier väöl plaatsj ingeruump voor anekdotes, kolderieke verhaole, foto’s mit ein gek verhaol en nog väöl mee ‘sjaele kal’. Hierveur vraoge De Marotte de mitwirking van ’t pebliek. Höb geer get geks of leuks mitgemaak, ein verhaol mit väöl ‘sjaele kal’, ein gekke of lachwekkende foto of get angesj wao geer van dènk dat mot in de Pappegey? Sjrief ’t op en sjtuur dit op nao de redaksie van de Pappegey. Tekste ‘t leifste aanlevere in ‘t Zittesj Plat. Es geer gein Zittesj kènt sjreive dan kent geer de teks aanlevere in ’t Nederlands, dan zal de redaksie ‘t vertale.

Dit jaor is de redaktie in ’t bezunjer geïnteresseierd in humoristische en kolderieke foto’s oet de jaore tachtig, wo in de Vastelaovend in ’t Marotteriek centraal sjteit.
Daonaeve ein oetdrukkelikke oproup aan jeederein dae zich altied aafvreeg worom ein leuke anekdote neit vermeld sjteit? Omdat de redaksie dees neit ontvange haet! En darom: Sjruut in!

Eur verhaol of foto’s kent geer sjtuure of meele nao:
Sjtadsvastelaovesvereiniging de Marotte Zitterd
t.a.v. De Pappegey
Postbus 256, 6130 AG Sittard
of via e-meel nao pappegey@marotte.nl

De redaksie sjtelt De Pappegey same en behilt zich ’t rech om inzendinge waal of neit te plaatsje. Hiejeuver vèngk gein korrespondensie of trökkoppeling plaatsj.

Bron: De Marotte Zitterd
Foto: De Marotte Zitterd