De greutsje pin 2019 is geprizzenteiert

2019

Op de 11de van de 11de haet Klup Kump Gout veur ’t zösde jaor op riej de Greutsje Pin geprizzenteiert. De eesjte Greutje Pin 2019 is aangebao aan Sjtadsprins León I. De Greutsje Pin is ouch dit jaor ein ontwerp van Marc Webers van Studio MarQ.

De Greutsje Pin is ein sjpèngske dat jeedere Vastelaovesgek op ziene revaer of patsj kent sjtaeke es teike dat hae greutsj is op Zitterd en ziene Vastelaovend. Mit ’t koupe van De Greutsje Pin sjteunt me de deilnummende vereiniginge die de Vastelaovend in Zitterd oetdraage en insjtandj hauwte, de opbrengs van De Greutsje Pin geit rechsjtreeks nao de deilnummende vereiniginge.

De Greutsje Pin 2019 en haet ein oplage van 2500 sjtök en haet ein aafmaeting van 30x45mm en is veurzeen van ein uniek nömmer mit lasergravure aan de achterkantj. Dit jaor besjteit De Greutsje Pin oet twee losse ongerdeile die door ein rèngske zeen verbonje. De pries van De Greutje Pin is wie gebroekelikke €5,-

Nuuj dit jaor is dat naeve de gebroekelikke verzie van De Greutje Pin ouch ein collectors box van De Greutsje Pin wurt oetgegaeve. Dit is eine fraai ingelieste Greutsje Pin 2019 en kènt beveurbeeld es cadeau of relasegesjink waere gegaeve. Dees collertors box haet eine pries van €22,- en is te koup in de webshop van De Greutsje Pin.

De Greutsje Pin te koup biej de deilnummende vereiniginge en onlain via de webshop. Mee infermase euver De Greutsje Pin en de deilnummende vereiniginge is te vènje op de websait van de Greutsje Pin: www.degreutsjepin.nl

Bron: De Greutsje Pin
Foto’s: De Greutsje Pin