Boewplaat van de Optochhal

2019

Oet knutelaers komme later de béste waagebeboewesj. Om de tradies van ’t waageboewe in ere te hawte sjtarte ’t Optoch Kommitee same mit eine grop Optochdeilnummesj ’t Kèrkes projek, wobie de jeug onger leijing van ervare waageboewesj ein kèrke boewe veur de Kènjeroptoch.

Bie gelaeg van ‘t 5×11 jaorig jubbelei kump ’t Optoch Kommitee Zitterd noe mit ein boewplaat veur knutselende kènjer. Zo kènne jonges en maedjes mit ein paar rechterhenj zelf hunne eige Optochhal boewe en kenne zie de waages in de hal nao eige inzich inkleure. Es jeederein ’t meisterwirk haet gezeen dan kènne de paorte van de Optochhal weier sjloete. Omdat ’t Optoch Kommitee ‘t knutelse wèlt promote is de boewplaat van de Optochhal gratis verkriegbaar.

De boewplaat van de Optochhal is gratis verkriegbaar (max. 1 per persoon) in de Marottewinkel en vanaaf Jannewarie in de Optochhal.

Foto: Optochhalbeeherder Lion Corstjens reik de boewplaat oet aan bedenker en ontwerper Thei Wessels (m). Grafisch ontwerper Marc Webers (l) toont ’t rizzeltaat van de boewplaat.

Bron: Optoch Kommitee Zitterd
Foto’s: Optoch Kommitee Zitterd