Sjtichting Optoch Kommitee Zitterd haet mevrouw Astrid Verblakt-Schmeits, mit ingangk van 1 juli 2018, benuimp pès de nuuje veurzitter van de Optochzjurie. Zie zal de take euvernumme van Thijs Jacobs, protokolis van De Marotte, dae aafgeloupe sezoen de interim veurzitter waar van de Optochzjurie.
Astrid Verblakt (44) is gein onbekènde in ’t Zittesje. Ze bekleid tal van maatsjappelikke functies en waar de aafgeloupe veier jaor wethauwer in de gemeinte Zitterd-Gelaen.
Door de benuiming van Astrid Verblakt is de Optochzjurie weier gans kompleet. In december 2017 besjloot de veurige zjurie om zich neit mee besjikbaar te sjtelle veur ’t zjureiere van de Kènjer- en Grote Optoch. Bènne eine maondj wis ’t Optoch Kommitee toen ein nuuj Optochzjurie te formeiere die, zo es veuraaf aangegaeve, ein aafsjpeigeling mot zeen van ’t pebliek langs de kantj.
De Optochzjurie besjteit noe oet teen manne en zeve vrouwe. Allemaol persone wo ‘t ‘Zittesje Vastelaovesbloud’ door de aore sjtruimp, aafgevaardige van Zittesje (Vastelaoves)vereiniginge, auwt Optochdeilnummesj, richtige Vastelaovesvierdesj en/of persone mit ein baovegemiddeld kunstzinning inzich.
Bron: Optoch Kommitee Zitterd
Foto: VastelaovendZitterd-RBZitterd
Kleine foto: Optochkommitee Zitterd
