In ’t pregram ‘Plat Eweg’ op L1-Radio zeen de 60 leidjes bekend gemaak die door zeen nao de hauf finales van ’t LVK2018. Bie dees 60 leidjes zeen twee Zittesje leidjes: Paul-Jean Jessen mit ’t door Thei Wessels gesjreve ‘Moele doon ze toch’ en ’t duo Sjtóm Toeval mit ’t door Ger Muijrers gesjreve leidje ‘Mos doe neit eine gaeve’.
De hauf finales van ‘t LVK 2018 zeen op vriedig 5 jannewarie, vriedig 12 Jannewarie en vriedig 19 Jannewarie tössje 18.00 en 20.00oer op L1 radio en TV mit optraejes van de artiste. De oetzendige waere herhaalt op de zaoterdig aansjloetend tössje 13.00 en 18.00 oer. De finale van ’t LVK 2018 is op vriedig 26 Jannewarie in Kessel.
Allebei de Zittesje leidjes zitte in de tweede hauf-finale op vriedig 12 Jannewarie:
– Nr.32: Sjtóm Toeval: Mos doe neit eine gaeve?
– Nr.38: Paul-Jean Jessen: Moele doon ze toch!
Infermase euver ‘t sjtömme via SMS volg bènnekort.
Ein euverzich van alle 60 leidjes die door zeen nao de hauf-finales is te venje op de websait van Stichting LVK.
Foto: Stichting LVK
