Aafgeloupe zondig, 26 November, ware de hauf-finales/veurronjes van ’t Kinger Vastelaovesleedjes Festival (KVL) en ‘t Tiener Vastelaovesleedjes Konkour (TVK). Bie allebei dees hauf-finales ware Zittesje deilnummesj prezent.
In ’t Asta Theater in Baek waar de 2de hauf-finale van ’t KVL wo door de zjurie oet de 8 deilnummesj drie finaliste zeen gekaoze. Bie dees finaliste is de Zittesje OBS de Sjtadssjool mit ’t leidje ‘Eine top Vastelaovend’. Naeve OBS de Sjtadssjool sjtaon nog twee deilnummesj oet de gemeinte Zitterd-Gelaen in de finale: BS Munstergelaen en Sanne Cremers oet Lömmerich. De finale van ’t KVL is op zondig 28 Jannewarie in ‘De Schakel’ in Ruiver.
De kénjer van BS Euverhaove höbbe mit ‘t Marotte Kénjerleidje ‘Konfetti’ helaas gein finale plaatsj weite te behaole, mer zie make waal nog kans op ein wildcard veur de finale. Dees wildcards waere later bekend gemaak.
Later op deze middig waar in Doonder de veurronje van ’t TVK. Naames Zitterd deeg mit Sterre Cuypers mit ‘t Marotte Tienerleidje ‘Veer gaon d’r veur’. Zie is door de zjurie gekaoze es ein van de finaliste. Gefilleseteiert!!
De finale van ‘t TVK is op 19 Jannewarie in De Hanehof in Gelaen.
Foto: Facebook KVL-Limburg
