Zondig 26 November e.k. is de 2e hauf-finale van ’t Kinger Vastelaovesleedjes Festival (KVL) en de veurronje van ’t Tiener Vastelaovesleedjes Konkour (TVK).
De hauf-finale van ’t KVL is vanaaf 14.15oer in ’t Asta theater in Baek mit deilname van twee Zittesje sjole: OBS de Sjtadssjool mit ’t leidje ‘Eine Top Vastelaovend!’ en basissjool Euverhaove mit ’t Marotte kènjerleidje ‘Konfetti’. Nao aafloup zal de zjurie bekend make welke 3 deilnummesj rechsjtreeks door gaon nao de finale.
In Doonder is vanaaf 16.11oer de veurronje van ’t TVK. Naames Zitterd zal Sterre Cuypers mitdoon mit ’t Marotte Tienerleidje ‘Veer gaon d’r veur’. Nao aafloup waere de finaliste bekend gemaak en is d’r nog eine wildcard veur de deilnummer mit de meis gedeilde vlog.
De veurronje van ’t TVK is laif te bekieke op de faceboukpagina van L11alaaf.
Veer wunsje alle deilnummesj väöl sukskes en väöl plezier
Foto: De Marotte Zitterd, Arjan Krijntjes
