Op zondig 14 Jannewarie is in de Fanfaarzaal van Sint Jan Leijebrouk de Vrouluujzitting van de Flanelle Lepkes, dit jaor mit es thema ‘FlinkPop’.
De veurverkoup van de kaarte veur de vrouluujzitting is op zondig 17 December om 14.00oer bie Kafee Ich&Dich op de Mert, entreekaarte koste €17,50 (maximaal 2 kaarte per persoon). Veur de richtige Festival veursjpas zal DJ Sepp! veur meziek zörge!
Zo wie jeederjaor is de veurverkoup al ein heppening op zich en sjtaon de vrouluuj al vruig in de riej om zeker te zeen van kaarte veur de vrouwluujzitting, went wae ‘t eesj kump haet ouch es eestje rech op kaarte!!
Bron en Foto: Facebouk Flanelle Lepkes
