Vastelaovesdaendig is ’t tradisjoneel de daag van de mechelkes en sjnaake mit ’t Appelesienesjmiete. Vanaaf ongeveer 13.33oer trekke de maskes en ‘hoeraes’ weier euver de mert en door de bènnesjtad om appelsiene te sjmiete nao de mechelkes en sjnaake. De kreet ‘Appelesiene, appelesiene, appelesiene’ zal weier vööl te heure zeen, went wae ‘t helste ‘Appelesiene’ reep krig de meiste appelsiene gesjmeete.
‘t appelsienesjmiete is al ein gebroek oet de vruige gesjiedenis van de Marotte en waar bedoeld es extra vitamines om de res van de wentjer door te komme, ‘t Appelsienesjmiete is daomit ein van de auwdste tradiesies van Zitterd. Noe is ’t nog altied een leuke en gezonje Vastelaovestradiese veur de kènjer.
Vastelaovesmiddig Kafee Dwaesj
In kafee Dwaesj aan de Sjtaasedwaesjsjtraot is op Vastelaovesdaensdig tradisjoneel eine Vastelaovesmiddig mit optraejes van bekende Limburgse artise. Deze middig vèngk aan om 14.11oer en de entree is gratis!
Deze middig zulle optraeje de tweevoudig LVK wennesj Spik & Span, Limburgs grootste Feesbees Big Benny en de dames van DeJa Vu. Veur Zittesje Vastelaovesklanke zörge Paul-Jean Jessen en de kapel Noots Biejein. De middig wurt aafgesjlaote mit ein optraeje van Legata’s Lederhosen Power. Tössje de optaejes door zörg eine DJ veur Vastelaovesmeziek.
Foto: VastelaovendZitterd
