Jaorliks organezeiere de Auw Prinse ’t Gala Prinsebal ter ere van de Sjtadsprins, dit jaor is dat Sjtadsprins Bart II. Dit jaor ’t Gala Prinsebal op zaoterdig 11 Fibberwarie van 20.33 pés 2.33oer en de lokase is weier in Sjtadsjouwburg de Domijnen.
’t Gala Prinsebal is oetgegruijt pés ein begrip in de ganse regio. Zo wie de vaste bezuikesj ongertössje weite sjeit ‘t Gala Prinsebal garant veur eine feestelikke aovend mit topbends, lekker aete (vleisj en vösj), drénke en ein gezelsjap van luuj die ein goud feeske weite te wardeiere.
’t Gala Prinsebal haet jaorliks ein anger thema. Dit jaor is ’t thema ‘Onger water’. Worom water? Veer drénke ‘t, veer wesje en käöke d’r mit, vare en zjwömme in water en de luuj besjtaon zellef veur ‘t grootste gedeilte oet water. Messjien dat de Franse weurd veur Mooder en zee ’t zelfde klinke? Zonger water gein laeve en zonger water gein fees! En fees dat mot waere geviert. Duuk daorom same mit Sjtadsprins Bart II, De Marotte en de Auw Prinse op 11 Fibberwarie onger op ’t Ónger water Galabal.
Qua dansbare meziek belaof ’t ouch dit jaor weier top te waere. Op ’t toneel van de groote zaal sjpeelt de bend Flat Out en in de hal de Big band Time Out. In de Clarles Eyckzaal op de eesjte verdeiping zörg zörg’t Draagbaar Radio Orkest veur muzikaal vermaak. Tössje de sets van Time Out en Flat Out door zörge DJacky en DJ Guido veur de meziek zodat geweun door gedans kent waere.
Ouch al is ’t thema ‘Onger Water toch wurt geer geach in galakleiaasj te komme. Sjmoking veur de mansluuj en cocktail- of aovendkleid veur de dames.
Entree kaarte veur ’t Galabal koste net es aafgeloupe jaor €85,- per sjtök ALL-IN. Entree vanaaf 18jaor. Kaarte zeen te koup in de Marottewinkel (Brandjstraot 11), Brasserie Eigenwies (Meulebaeksjtraot 6), Tanksjtation Beursgens (Dr. Nolenslaan 67) en bie de Sjtadssjouwburg (Mgr. Claessenssjtraot). Onlain zeen kaarte te besjtelle op www.galabal.nl of via www.dedomijnen.nl
Kieke veur mee infermase op de faceboukpagina van ’t Gala prinsebal.
Bron: Quant Magazine / Sjtichting Gala prinsebal
Foto: Andreas Terlaak (Flat Out) / Gala prinsebal
