De vriedig veur de Vastelaovend (24 Fibberwarie) sjtruimp de Mert weier vol mit doezende sjoliere oet Zitterd en omgaeving om de vastelaovend in te loewe. De Marotte prizzenteiere in samewirking mit de gemeinte Zitterd-Gelaen ein bontj programm veur de sjoliere mit optraejes van de coverformasie Noizz, de bekende bend Wir Sind Spitze en de grop SieFoe. De twee-voudig LVK-wennesj Spik & Span zulle de mert deze middig zeker laote ‘krake’. DJ Jeroen Laven zörg door de ganse middig haer veur sjwingende Vastelaovesmeziek. De Marotte mit Sjtadsprins Bart II zulle ein bezuik brènge aan Sjoliere Vastelaovend.
De mert wurt veur Sjorievastelaovend inrich es festival terrein. De entree nao de mert is allein muigelik via de Lömmerichersjtraot en via de Paesjsjtraot, angere sjtraote nao de mert waere aafgesjlaote en zeen allein noodoetgeng.
Ouch bie Sjolierevastelaovend is de regel NIX18, gein alcohol onger de 18jaor. Op vertoon van ‘t liggetemesebewies (paspoort of ID-kaart) kriege bezuikesj van 18jaor en awwer ein polsbendje. Allein op vertoon van dit polsbendje is drank mit alcohol te kriege.
Let op: komsumpsies zeen bie Sjoliere Vastelaovend en de anger Vastelaovesdaag allein te verkriege mit de ‘Sjpaspas’. Allein mit deze pas kent waere betaalt bie de tappunte op de mert en in de kafees! Mee infermase euver de ‘Sjapspas’ is te venje op www.sjpaspas.nl
Mee infermase euver Sjoliere Vastelaovend is te venje op feesbouk: www.facebook.com/scholierencarnavalsittard
Foto: Scholierencarnavalsittard
