Gounsdig 8 Fibberwarie is ’t weier geneite bie de jaorlikse Seniorezitting in de Zittesje Sjouwburg. Dees zitting wurt georganizeiert door De Marotte Zitterd in samewirking mit de Zonnebloem. Vanaaf 13.30oer äöpende de deure van Sjadssjouwburg De Domeinen en waere de bezuikesj perseunlik door Sjtadsprins Bart II en Vors Marot Frits I ontvange. ’t Pregram van de zitting véngk aan om 14.00oer.
De seniorezitting sjteit garant veur eine suksesvolle middig vol plezeier, dans en meziek van ein keur aan Zittesje en Limburgse artiste. Zo brenge Bart & Lejao de Marottesjlaager van dit jaor ‘Wae oh Wae’ en bréngk De Zittesje Kenjer Kapel weier de neudige muzikaal klanke. Buuttereedner Wiel Vinken sjeit garant veur de neudige lach en Jack Vinders zörg veur ein muzikaal en humoristische noot.
De zitting wurt aafgesjlaote door Beppie Kraft die mit häör bekende leidjes veur ’t neudige sjoekele en mitzénge zal zörge. De muzikaal omliesting is in henj van De Marottekapel mit tradisjonele Zittesje (sjoekel) meziek. De zitting wurt geprizzenteiert door Maurice Gorissen en Wim Clerckx van De Marotte.
Toegangskaarte veur de seniorezitting koste €13,50, dat is inklesief ein comsumpsie, nonnevot en garderobe. De kaarte zeen te koup bie de Marotte winkel op de Brandjstraot en via de uitbalie van de sjouwburg De Domijnen (www.dedomijnen.nl).
Bron: De Marotte Zitterd
Foto: Ton Dirkx
