Ouch dit jaor verzörg ’t Optochkommitee weier rondjleidinge in de Optochhal veur sjole, vereiniginge en anger belangsjtellende om eine kiek te gaeve in ‘de keuke’ van de Vastelaovesoptoch bie ’t boewe van de groote vastelaoveswaages.
Bezuikes waere eesj ontvange in de Sjans (de kantine van de Optochhal) wo zie oetlegk kriege, ongersjeund mit versjellende videobeelde. Nao dees oetlegk geit de rondjleiding wiejer in de hal tössje de vastelaoveswaages.
Gerizzerveierde tieje veur sjoole:
8.45 – 9.45 oer, 10.00 – 11.00oer, 11.15 – 12.15oer en 13.30 – 14.30oer.
Vereiniginge kenne nao aafsjpraoh ouch saoves terech. Ouch is ’t muigelik om es individu gebroek te make van ein rondjleiding, veur belangsjtellende zeen ein paar rondjleidinge.
Aan ein rondjleiding zeen koste verbonje. ’t Optoch Kommitee vreeg aan de deilnummesj ein biedrage om de ummer oploupende koste enigszins te kenne dekke. Veur sjole is dat ’t besjeije bedraag van €1,- per leerling. Veur vereiniginge en anger belangsjtellende is dat €2,- per deilnummer. Sjole die deilnumme aan de Zittesje Kénjeroptoch of aan ’t projek ‘kerkes’ kriege ein gratis rondjleiding.
De belangsjtélling veur de rondjleidinge is jeederjaor groot, tiejieg aanmelje is dan ouch aanbevaole om teleursjtelling te veurkomme.
Aanmelje veur de rondjleidinge door de optochhal kent bie Peet van Erp van ’t Optochkommitee bie veurkeur via e-mail: peet@optoch.nl.
Bron: Optochkommitee Zitterd
Foto: Optochkommitee Zitterd
