Resepse Sjtadsprins Bart II in ‘t Forum

2017 Prins

Zondig 22 Jannewarie vèngk de resepse plaatsj veur Sjtadsprins Bart II. De resepse wurt gehauwte in ‘t sfeervolle Forum theater aan de Engelekampsjtraot. Tössje 13.25 en 16.00 oer is jeederein in de gelaeg om Sjtadsprins Bart II te filleseteiere mit zien Prinssjap en eine toost oet te brènge op de Zittesje Vastelaovend.

Tössje de fillesetasie door zörg de Marottekapel mit Zittesje Vastelaovesmeziek veur de muzikaal omliesting en zeen d’r optraeës van BS de Hoefer mit ’t Kenjerleidje ‘Oppe Tied’, Lisa mit ’t Tienerliedje ‘Dat is ’t ritme in mich’ en Bart & Lejao mit de Marotte sjlaager ‘Wae oh Wae’. Veur de kenjer is een apaarte ruumte mit volop annemase, zie kenne zich onger angere laote sjminke en versjèllende sjpelkes sjpele. Nao aafloup wurt jeederein verrasj mit ein kleine attensie.

De resepse wurt georganizeiert en aangebao aan Sjtadsprins Bart II door de Senaat van de Marotte.

Bron: De Marotte Zitterd
Foto: Arjan Krijntjes