Dit jaor haet de Groote Zittesje Vastelaovesoptoch eine primeur! In ’t verleje waar ’t ein gebroek dat allein de Sjtadsprins ‘in vol ornaat’ mit trok in de Groote optoch. Dit jaor mage veur ’t eesj ouch Prinse van Vastelaovesvereiniginge oet ‘Groot-Zitterd’ mit in de Groote Optoch.
Dit op veursjtel van Vors Marot Frits I. Zien veursjtel is oetgewirk in samesjpraak mit de Samewirkende Carnavalsvereiniginge Groot Zitterd. Zo zulle dit jaor versjèllende Prinse en Prinsesse de Groote Optoch äöpene op de äöpeningswage van ’t Optochkommitee Zitterd. De letste waage in de Optoch blif natuurlik de Prinsewaage mit Sjtadsprins Bart II.
De äöpeningwage van de Optoch prizzenteiert de volgende Prinse en Prinsesse:
– Prins Wesley I van C.V. de Narre oet Euverhaove
– Prins Roland I van C.V. de Kempernaaze oet Vrangendael-Laohrhaof
– Prins Rob I van V.V. de Haverbule oet Munstergelaen
– Prins Pierre I en Prinses Anne-Marie I van C.V. de Klumpkes oet Sjtadbrouk
– Prins Peter V van C.V. de Koelköp oet Sanderbout
– Prinses Lisanne I van C.V. de Mechelkes oet Broukzittert
Bron: Optochkommitee Zitterd
Foto: VastelaovendZitterd
