Zondig 19 Fibberwarie trek de Kènjeroptoch door de sjtraote van de Zittesje bènnesjtad. Veuraaf aanmelje veur deilname aan de Kènjeroptoch is neit neudig, zodat de kenjer nog pès ’t letste moment kenne besjlisse om mit te trekke in de Kenjeroptoch.
Al is veuraaf insjrieve veur deilname neit verplich, toch haet ’t Optochkommitee ’t verzuik aan de deilnummesj om zich veuraaf aan te melje. Op dees menneier höbbe zie al de neudige infermase euver de deilnummesj. Dit in verbandj mit ’t veurbereide van ein deilnummesj euverzich veur de versjlaaggaevesj van L1 en Sjtreekomroup Sjtart die de Kènjeroptoch op TV oetzende.
Aanmelje kent via ’t digitaal aanmeldjsysteem op de websait van’t Optochkommitee via http://www.optoch.nl/aanmelden. Vul hiej eur gegaeves, grote van de grop, motto en wat wurt oetgebeeld in. Geer kent ouch kontak opnumme mit Roy Moerskofski van ’t Optoch Kommitee via roy@optoch.nl
Bron: Optochkommitee Zitterd
Foto: VastelaovendZitterd
