Jaorliks zette de Marotte ein Kenjervastelaovesleidje op de CD van ’t sezoen. Dit leidje wurt jeederjaor door ein angere Zittesje basissjool gezonge en gesjreve door eine angere componis.
’t Kenjervastelaovesleidje van dit jaor ‘Oppe Tied’ is gesjreve door Marlou Obers en wurt gezonge door kenjer van Basissjool De Hoefer Zitterd.
Naeve de CD opname traëe de kénjer op bie versjellende zittinge en wurt ’t leidje ingezonje veur deilname aan ’t Kinjer Vastelaovend Leedjesfestival (KVL), ’t Vastelaovesleidjes Konkour veur kénjer van de basissjole. In November is van ’t KVL de veurronje gewaes en BS de Hoefer haet ein plaatsj in de finale behaolt. De finale van ’t KVL is op zondig 5 Fibberwarie in Eygelshoven en wurt laif oetgezonje op L1 TV.
Door Marotte TV wurt jaorliks eine videoclip gemaak van ’t Kenjerleidje. Dees videoklip is aafgeloupe November opgenomme in de Sjtadssjouwburg in de äöpeningsdekor van de Zittesje Revuu Oppe Tied.
