Op Gounsdig 15 Fibberwarie is de jaorlikse Vastelaovesmiddig veur de jongste mechelkes en sjnaake. Vanaaf 13.33oer gaon de deure van Poppodium Volt äöpe veur De Marotte Kénjerzitting. ’t Pregram bomvol mit dans, humor, zénge en sjtrénge en sjpektakel sjtart om 14.00oer en doert pés ongeveer 17.00oer
Ein vas ongerdeil om de Kènjerzitting is ‘Zèng mit dien idool’, dit jaor zal Fabrizio aanwezig zeen om mit de kènjer te zènge. Clown Pipo-Pé is van de pertie mit de neudige grappe en grolle en Bart & Lejao zènge same mit de kènjer de Marottesjlaager ‘Wae oh Wae’.
Wiejer brenge kènjer van Basissjool De Hoefer en Openbare basissjool De Sjadssjool de leidjes wo mit zie in finale van ’t Kinger Vastelaovesleedjes Konkour sjtonge.
Naeve ein aafvaardiging van De Marotte mit Sjtadsprins Bart II, maak ouch ein kènjer raod van 11 deil oet van ’t pregram. De kènjer kenne wiejer geneite van versjèllende lekkere traktasies en Sjtadsprins Bart II reik prieze oet aan ’t sjoonst verkleide mechelke en sjnaak.
Kortom eine gezellige middig veur de ganse femieje, mer baove-al veur de kénjer. De Marotte haope dan ouch alle jonge mechelkes en sjnaake same mit hun (groot)auwwesj, vrunj en vrundjinne deze middig komme Vastelaovend viere.
De entree veur deze middig is €3,50. Dat is inkesief ranja en gek lekkesj. Kaarte zeen te koup in de Marottewinkel (Van Neer Eyckeler, Brandsjtraot) en gounsdigmiddig aan de kassa van Poppodium Volt.
Bron: De Marotte Zitterd
Foto: Ton Dirkx
