Zondig 5 Fibberwarie is in Eygelshaove de finale van ‘t Kinjer Vastelaovend Leedjesfestival. ’t KVL is ’t Vastelaovesleidjes Konkour veur kenjer van de basissjoole.
In November zeen in Zitterd en Naer twee veurronjes gewaes, wo de zjurie de 11 finaliste haet gekaoze.
Bie de 11 finaliste van ‘t KVL 2017 zeen twee Zittesje sjoole. Auwt wènnesj van ’t KVL, OBS De Sjtadssjool Zitterd sjteit in de finale mit ’t leidje ‘Vastelaovend dat is Kikke’ en BS de Hoefer mit ’t Marotte kénjerleidje ‘Oppe Tied’.
Aafgeloupe jaor wonne ‘De Plunskes’ oet Ruiver ’t KVL mit ‘Vötje van ’t pötje’. Tweemaol wis ein Zittesje sjool ’t KVL te wenne. In 2012 won OBS de Sjtadssjool ’t KVL mit ’t Marotte kénjerleidje ‘Trek mer mit os mit’. In 2013 behaolde de Petrussjool de euverwinning op ’t KVL mit ’t leidje ‘Kokkerallebal’ en eindigde OBS de Sjtadssjool mit ‘Wae wurt de Prins’ op de tweede plaatsj.
In de finale wurt gezjureiert door ein vakzjurie en ein kénjerzjurie.
De finale van ’t KVL is op zondig 5 Fibberwarie vanoet Cultureel Socio in Eygelshaove en wurt laif op TV oetgezonje door L1, de oetzending begint om 14.30oer.
