Jeederein dae wilt mittrekke in de Groote Optoch mot zich veur deilname aanmelje bie ’t Optochkommitee. Veur ’t insjrieve haet ’t Optoch Kommitee dit jaor ein nuut insjriefsysteem ingebroek genomme dat volledig digitaal is. Taeves zeen d’r ein aantal verangert, zo is insjrieve veur deilname aan de groote optoch noe muigelik pés de gounsdig veur Vastelaovend. Veur de zjurie en versjlaaggaevesj zeen d’r versjellende opties en lieste ingeboewt en pregrambuikskes en oetsjlage kenne sjneller en digitaal waere gepubliceiert.
Aanmelje veur deilname kent op de websait van ’t Optoch Kommitee via http://optoch.nl/aanmelden
Veur ’t gebroek deint men zich eesj in te sjrieve es kontakpersoon, vervolges is ’t muigelik om ein of meerdere deilnummesj aan te melje. Dit aanmelje geit in drie sjtappe: gegaeves invulle (1), ide en omsjrieving (2) en bevestige / verzende (3). In sommige gevalle kent ’t veurkomme dat uch nog om mee oetlegk wurt gevraog.
Door ’t nuut aanmeldsysteem is ’t muigelik om pés de sjloetingsdatum de tekste en ’t idee aan te passe. Nuuj is ouch dat vanaaf dit jaor ein historie wurt opgeboewd zodat geer later nog kent trök kieke op eur kreasies van de veurige jaore.
Wiejer verangert niks wat betref deilname aan de optochte. Aanmelje veur deilname aan de groote optoch is verplich, Zonger aanmeljing kent geer neit deilnumme! Op vriedigaovend veur de Groote Optoch is wie gebroekelik ’t nömmeraafhaole bie kaffe Schtad Zitterd.
Ouch veur deilname aan de Kénjeroptoch is ’t muigelik om uch via ’t aanmeldsysteem in te sjreive veur deilname, mer aanmelje is NEIT verplich. Veur vraoge kent geer altied meele (roy@optoch.nl) of belle mit Roy Moerskofski van ’t Optoch Kommitee.
Bron: Optoch Kommitee Zitterd
Foto: VastelaovendZitterd
