Op zaoterdig 16 December äöpene de Marotte weier hunne eige winkel. Deze door vriewilligesj gerunde winkel is te venje in de modezaak Van Neer Eijckeler op de Brandjstraot 11 in Zitterd en is geäöpent pes Vastelaovezaoterdig 10 Fibberwarie.
De Marottewinkel haet ein breid assortiment veur de (Zittesje) Vastelaovesvierder. Zo zeen te koup de entreekaarte veur de Marotte zittinge ( Oetruipingsaovend, Insjtelasezitting en Finalesjpektakel), de kenjerzitting en ‘t Gala Prinsebal. Natuurlik is ouch de nuuje CD ‘Veer zeen Zitterd’ mit dao op de nuuj Vastelaovessjlaagesj te koup en zeen naeve de nuuj CD nog CD’s oet veurige jaore te koup.
’t Assortiment van de Marottewinkel bevat wiejer o.a. patsje, sjaale, perpluuje en de bekende ‘pinkes’ (ein sjpengske). Vanaaf Jannewarie is ’t pinke van de Marotte Jaororde 2018 verkriegbaar en ouch de Greutsje Pin 2018 is te koup. Zolang es de veurraod sjtrek is ‘t bekende kalenderke mit Marotte aktiviteite gratis te verkriege. In de winkel is ’t muigelik om via de Pin te betale.
Vanaaf zaoterdig 4 Fibberwarie is de nuuje ‘pappegey verkriegbaar, zowaal in gedrökde vorm es de gesjpraoke variant.
Veur wae neit in de gelaeg is om de Marottewinkel de bezuike höbbe de Marotte ouch eine webshop: shop.marotte.nl. Via de webshop zeen de Marotte CD’s en versjéllende anger Marotte-artikele te koup.
Äöpeningstieje van de Marottewinkel:
Zaoterdig tössje 10.00 en 17.00 oer
Donderdig tössje 10.00 en 14.00 oer
Koupzondige tössje 12.00 en 17.00 oer
Bron: De Marotte Zitterd
Foto: Ton Dirkx
