Zittesje leidjes in de Huaf Finales van ‘t LVK 2017

2017 Meziek

Op L1 zeen de 60 leidjes bekend gemaak die door zeen nao de hauf finales van ’t LVK2017. Bie dees 60 leidjes zeen twee Zittesje leidjes: Bart & Lejao mit de Zittesje Vastelaovessjlaager 2017 ‘Wae oh Wae’ (teks en meziek: Sjohn Smeets & Gian Prince) en Paul-Jean Jessen mit ’t door Thei Wessels gesjreve ‘Vuur van Vastelaovend’.

Naeve dees twee veur Zitterd oetkommende leidjes zeen ouch ein aantal leidjes oet ‘Groot-Zitterd’ door nao de hauf finales van ’t LVK.
Koepmarie (Lömmerich) haet mit ’t leidje ‘Dao zak mich de boks van aaf’ mitgedaon aan ’t Zittesje Vastelaovesleidjes Konkour, zie höbbe gein plaatsj op de Marotte CD behaold mer zeen waal door nao de hauf finale van ’t LVK. Mit twee leidjes in de hauf finales sjteit veur Lömmerich de grop Kartoesj (‘Limburg Ein’ en ‘Code gael, Code rood’) en names Göttekaove de grop Don Kiesjot mit de leidjes `’n Limburgs maedje maakste niks wies’ en ‘Van dezelfde lap gesjäörd’

De hauf finales van ‘t LVK 2017 zeen op vriedig 6 jannewarie, vriedig 13 Jannewarie en vriedig 20 Jannewarie tössje 18.00 en 20.00oer, laif op L1 radio en TV mit optraejes van de artiste. De oetzendige ware herhaalt op de zaoterdig aansjloetend tössje 14.00 en 16.00 oer.
De finale van ’t LVK 2017 is op vriedig 10 Fibberwarie in Haelder.

Sjtartnömmesj van de Zittesje leidjes:
– Nr.19: ’t Vuur van Vastelaovend (1e hauf finale)
– Nr.24: Wae oh Wae’ (2e hauf finale)

Infermase euver ‘t sjtömme via SMS volg bènnekort.

Foto: L1