Mit nog precies 3 maondj pés Vastelaoveszaoterdig haet Sjtadskapel ’t Trumke en ’t Tröötje ’t pregram bekend gemaak veur de 14e edisie van ’t kanon van ’t Balkon op vastelaoveszaoterdig 25 Fibberwarie. Ouch dit jaor belaof ’t weier ein bomvol pregram mit topartieste oet gans Limburg.
Al om 16.33 oer begint dit jaor ’t Kenjerkanon dat wurt geprizzenteiert door Finey en Roy Moerskofski. Optreje zulle versjellende Zittesje sjoole mit de KVL finaliste OBS de Sjtadssjool en BS de Hoefer mit ’t Marotte kénjerleidje ‘Oppe Tied’. En wiejer finaliste van ’t KVL, TVK, jeugdige talente en dans optraejes. De organezase häöp dat ’t ouch dit jaor weier lök om de wénnesj van ’t KVL en ’t TVK op ’t Kenjerkanon te laote optraeje.
Om 18.33oer begint ’t pregram van ‘t ‘groote’ Kanon van ’t balkon dat weier wurt geprizzenteiert door Wim Cleckx en Maurice Gorissen. ’t Belaof ein sjpetterend program te waere mit es limburgse topartieste:
– Beppie kraft
– Don Kiesjot
– Fabrizio
– Katja
– Marleen Rutten
– De Toddezek
– W-Dreej
– Spik&Span (wennesj LVK 2015 en 2016)
Wiejer op ’t pregram onger mee de Marotte sjlaagesj 2017, wennende sjaagesj van rondjom Zitterd, aansjtormend talent vanoet ’t TVK nao ’t LVK, ein sjpetterend optraeje van Trööt in de Gööt en nog mee en nog mee en nog väöl mee.
Om 23.11 zal börgemeister Sjraar Cox de sjleutel euverdrage aan de Sjtadsprins 2017.
De organezase häöp daonaeve om de wènnesj van ’t LVK te kenne laote optraeje op ’t Kanon van ’t Balkon en mesjien zitte de wennesj noe al in ’t pregram.
Voor de leifhöbbesj noe al de tip: kom oppe tied, went vol=vol en dan wurt de mert aafgesjlaote.
Bron: Kanon van ‘t Balkon
Foto: Ton Dirkx
