Jacques Schrijen nuuje Alternatieve Sjöttekeizer

2016

Aafgeloupe weekend waas weier ’t Alternatief Sjöttefees Zitterd, dat op zaoterdigaovend begoosj mit ein gesjlaag door Trööt in de Gööt georganizeierd Keizesjfees ‘Löwensafari in Zitterd’.

Op zondigmiddig verzamelde de 15 Alternatieve sjötterieje zich op Cour Solanus veur ’t Defilé, de Optoch en ’t sjeite om de keunings- en Keizesjtittel. Nao eine lange en sjpannende sjtreid tössje de keuninge van alle vereiniginge waas ’t Jacques Schrijen van de Kroenekrane dae ’t letste sjtökske van de voogel aafsjoot en zich kroone pès de nuuje Alternatieve Sjöttekeizer van Zitterd.

Ein paar waeke geleje is in de persoon van Lei Hulsmans ein zeer gewardeierd lid en auwt sjöttekeuning van de Kroenekrane, alias De Prinsegarde Zitterd, euverleje. ’t Behaole van de Keizesjtittel zörgde dan ouch naeve vreugde, veur neudige emosies bie de leeje van de Kroenekrane.

Foto boven: Sittard-Geleen.nieuws.nl
Fotoalbum: VastelaovendZitterd