Finaliste Zittesj Vastelaovesleidjes Konkour 2017

Gisteraovend is de veurseleksie gewaes veur de verkeizing van ’t Zittesje Vastelaovesleidjes Konkour 2016-2017. Veur de 2×11 lede tellende zjurie woorte 16 nummesj veurgedrage door de zèngesj René Dikx, Jan van Daal, Karin Collaris, Paul-Jean Jessen en Marc Verblakt onger leijing van Wiel Bonten.

De 11 finaliste in volgorde van optraeje:

  1. “Sjtedje van veier seizoene”; Teks: Chrissy Steinen en Guus Steinen, Meziek: Chrissy Steinen
  2. “Laammaekerie”; Teks en Meziek: Phil Schaeken
  3. “Wae oh wae”; Teks en Meziek: Sjon Smeets en Gian Prince
  4. “Mit Vastelaovend blief ich neit thoes”; Teks en Meziek: Ger Muijres
  5. “Ich höb ’t Alaaf”; Teks en Meziek: Tom Bloem
  6. “’t Maak neit oet”; Teks en Meziek: Maurice Indemans
  7. “Marie van ós hermenie”; Teks: Peter Schaeks en ben Erkens, Meziek: Jo Deusings
  8. “Rundje Vastelaovend”; Teks en Meziek: Ed Geilen en Petro Willems
  9. “Dao zak mich de boks van aaf”; Teks en Meziek: Miriam Bartels
  10. “’t Vuur van vastelaovend”: Teks en Meziek: Thei Wessels
  11. “Wakker waere mit Vastelaovend”; Teks en Meziek: Wim Claessen

De 11 finale leidjes waere in de finale laif gezonge door Zittesje zengesj en zengeresse, wobie zie laif waere begeleid ein orkes. ’t Leidje mit de meisjte sjtömme wurt de Zittesje vastelaovessjlaager 2017 en de sjriever/kompenis krig de Thei Hunnekens wisseltroffee oetgereik.

De verkeizing van de Zittesje vastelaovessjlaager is dit jaor later dan gebroekelik, namelik op zaoterdig 10 September in Poppodium Volt!

Bron: De Marotte Zitterd
Foto: De Marotte Zitterd