De nuuje Marotte CD ‘Wae oh Wae’ te koup

Jaorliks brènge de Marotte Zitterd ein nuuj Vastelaoves CD oet mit dao-op de nuuje Vastelaovessjlaagesj van ’t sezoen. Dit jaor haet de CD de tittel gekrege ‘Wae oh Wae’, vernuimp nao de door John Smeets en Gian Prince gesjreve Vastelaovessjlaager van dit sezoen ‘Wae oh Wae’.

Op de nuuj CD sjtaon de nömmesj ein pés zös van ’t Zittesj Vastelaovesleidjes Konkour mit es eesjte de door Bart en Lejao gezonge sjlaager ‘Wae of Wae’. Wiejer de nömmer 2: Gein Haor Bater mit ‘Runje Vastelaovend’, nömmer 3: de nuuje grop Don Kiesjot mit ‘Sjtedje van veier sezoene’, nömmer 4: ’t Vuur van Vastelaovend’ gezonge door Paul-Jean Jessen, nömmer 5: ‘Ich höb ’t Al-Aaf’ gezonge door de jeudigde debuteierende duo Sjtóm Toeval en es letste de nömmer 6: ‘Wakker waere mit Vastelaovend’ mit zangk van Fieny Moerskofski en Jan van Daal.

Tradisjoneel sjteit op de CD ouch ein Marotte Kénjervastelaovesleidje. Dit jaor is dat ’t leidje ‘Oppe Tied’ dat is gesjreve door Marlou Obers en wurt gezonge door kénjer van basissjool De Hoefer. Naeve ’t kenjervastelaovesleidje sjteit dit jaor veur de eesjte keer in Tienerleidje op de CD. Dit tienerleidje ‘Dat is ’t ritme in mich’ wurt gezonge door Lisa Schiffler en is gesjreve door Guus Steinen. ’t Totaal maak ein CD mit allein mer nuuj Vastelaovesleidjes.

De hoes van de CD is ein ontwerp van Marc Webers van Studio MarQ. Hae haet de hoes ontworpe in de Marotte hoessjtiel van dit jaor ‘Alleney Gekke Teun’. De basis van ’t ontwerp is ein auw zjwart-wit foto van Toon Hermans, die mit nuuj technieke is verwirk pés ein kleurriek geheel.
De opname van de CD haet weier plaatsjgevonje bie Studio Theelen in Munstergelaen, wo Jan en Emmanuel Theelen zörgde veur de produksie van de CD.

De CD is te koup in de Marottewinkel, bie versjillende Zittesje kafees en o.a. bie fotografie Ton Dirkx en bie Wollstreet. Taeves is de CD onlain te koup in de Marotte webshop.

Bron: De Marotte Zitterd
Hoesontwerp: Marc Webers, Studio MarQ