Op zaoterdig 26 November äöpene de Marotte weier hunne eige winkel. Deze door vriewilligesj gerunde winkel is te venje in de modezaak Van Neer Eijckeler op de Brandjstraot 11 in Zitterd. Bezunjer is dat de lokase van de Marottewinkel vlak bie ’t gebaortehoes lègk van Toon Hermans dae diet jaor 100jaor zou zeen gewore.
De Marotte höbbe dit jaor es jaormotto ‘Alleney Gekke Teun’, in de Marottewinkel zeen dit jaor versjellende aan Toon Hermans gerelateierde artikele te koup. Zo is onger angere de Marotte CD ‘Wurt eine Laammaeker gebaore’, mit dao op eine medley van bekende door Toon Hermans gesjreve Zittesje Vastelaovesleidjes te koup.
In de Marottewinkel zeen te koup de entreekaarte veur de Marotte zittinge es de Oetruipingsaovend, Insjtelasezitting, Finalesjpektakel, kenjerzitting en ‘t Gala Prinsebal. Natuurlik is ouch de nuuje CD ‘Wae oh Wae’ te koup en zeen naeve de nuuj CD nog CD’s oet veurige jaore te koup. Ein sjpisjaal aanbieding in de winkel is 3 CD’s oet de veurige jaore veur mér €11,-.
Wiejer bevat ’t assortiment van de Marottewinkel o.a. patsje, sjaale, perpluuje en de bekende ‘pinkes’ (ein sjpengske). Vanaaf Jannewarie is ’t pinke van de Marotte Jaororde 2017 te koup. Ouch is in de Marottewinkel de Greutsje Pin 2017 te koup en zeen zolang es de veurraod sjtrek de bekende kalendesj mit Marotte aktiviteite gratis te verkriege. In de winkel is ’t muigelik om via de Pin te betale.
Veur wae neit in de gelaeg is om de Marottewinkel de bezuike höbbe de Marotte ouch eine webshop shop.marotte.nl Via de webshop is ein groot gedeilte van ’t assortiment van de Marottewinkel te koup.
Äöpeningstieje van de Marottewinkel:
– Zaoterdig tössje 10.00 en 17.00 oer
– Donderdig tössje 10.00 en 14.00 oer
– Koupzondige tössje 12.00 en 17.00 oer
Bron: De Marotte Zitterd
Foto: Ton Dirkx
