Op 16 Fibberwarie versjient de 136e edisie van ‘De Pappegey’ ‘t jaorblaad van Sjtadsvastelaovesvereiniging De Marotte Zitterd. Ouch dit jaor zal de Pappegey weier versjiene in de vorm van eine glossy.
Naeve ’t offisjeel gedeilte mit o.a. de nuuje Prins en historie wurt weier väöl plaatsj ingeruump voor anekdotes, kolderieke verhaole, foto’s mit ein gek verhaol en nog väöl mee ‘sjaele kal’. De redaksie van De Pappegey is ‘t ganse jaor door onopvallend bezig mit ‘t verzamele van verhaole mèr zuik daobiej ouch eur hulp!!
Höb geer get geks mitgemaak, ein sjpraakmakend verhaol mit väöl ‘sjaele kal’, ein lachwekkende foto’s of get angesj wao geer van dènk dat mot in de Pappegey? Sjrief ’t op en sjtuur dit op nao de redaksie van de Pappegey. Tekste ‘t leifste aanlevere in ‘t Zittesj Plat, mer es geer neit gans op de heugte zeet van ‘t Zittesj dan zal de redaksie eur verhaol vertale nao ’t Zittesj-plat.
Vanwaege ‘t Marotte jaortmotto ‘Alleney Gekke Teun’ is de redaksie bezunjer geinteresseiert in humoristische en kolderieke verhaole, foto’s etc., wo in Toon Hermans ein rol sjpeelt.
Eur verhaol of foto’s kent geer sjtuure of meele nao:
Sjtadsvastelaovesvereiniging de Marotte Zitterd
t.a.v. Redaksie De Pappegey
Postbus 256, 6130 AG Sittard
of via e-meel nao pappegey@marotte.nl
De redaksie sjtelt De Pappegey same en behilt zich ’t rech om inzendinge waal of neit te plaatsje. Hiejeuver vèngk gein korrespondesie of trökkoppeling plaatsj.
Bron: De Marotte Zitterd
Foto: Ton Dirkx
