Op de 11de van de 11de haet Klup Kump Gout de Greutsje Pin 2017 geprizzenteiert, dae ouch dit jaor is ontworpe door Marc Webers van Studio MarQ. Doordat de Greutsje Pin de aafgeloupe jaore waar oetverkoch is de oplage dit jaer verheug van 1500 nao 2500 sjtuks.
De Greutsje Pin is ein sjpèngske dat jeedere Vastelaovesgek op ziene revaer of patsj kent sjtaeke es teike dat hae greutsj is op Zitterd en ziene Vastelaovend. Mit ’t koupe van “De Greutsje Pin” sjteunt me de deilnummende vereiniginge die de Vastelaovend in Zitterd oetdraage en insjtandj hauwte, de opbrengs van De Greutsje Pin geit rechsjtreeks nao de deilnummende vereiniginge.
Extra dit jaor wurt ein bedraag besjikbaar gesjtèld veur Workshops veur jong waageboewesj in de Optochhal. Dit is ein nuuj projek van ’t Optochkommitee om de jeug te sjtimuleiere om waages en ‘kerkes’ te gaon boewe veur de optochte.
De Greutsje Pin is veur € 5,- euro te koup biej de deilnummende vereiniginge en via de onlain webshop. Op de websait van De Greutsje Pin, www.degreutsjepin.nl, is mee infermase te vènje euver de Greutsje Pin en sjtaon de deilnummende vereiniginge.
Dus koup ouch dit jaor De Greutsje Pin en sjteun de Zittesje Vastelaovend!! “Nörges haer, zonger Pin op ’t revaer!”.
Bron: De Greutsje Pin
Foto: De Greutsje Pin
