© 2011 WWW.VASTELAOVENDZITTERD.NL, alle rechte veurbehauwte, niks oet dees website maag waere gepubliceierd zonger toesjtomming

Webdesign: RBZitterd 2011

Funs is 2x11 jaor , zien auwerlik hoes en Prinslik Palies ligk aan de Wilhelminasjtraot 19 in Zitterd. Zelf woont Funs sinds 1 jannewarie weier in Zitterd en woont oppe Sjeivig, taegeneuver ziene veurgenger Prins Tom.  Funs is bezig mit ut aafronje van zien sjtudie Business & Management die hae volg aan de Business sjool Notenboom in Mesjtreich. Vanaaf zien eesjte jaor in Mesjtreich is Funs lid van Sjtudentevereiniging ‘Tragos’ en van ut herendispuut ‘Nondejuke’ wo hae jeedere donderdigaovend mit geit borrele. Veur zien sjtudie haet Funs veier maondj sjtage geloupe op Sint Maarten wo hae mertongerzouk deig veur ein van de grootste Makelaesjkantore. Bie zien verblief op Sint Maarten haet Funs twee verwaarloosde puppies gered en dees mitgenomme trök nao hoes, nae ein paar waeke waere ze zo aan de hundjes geheg dat ze noe bie de femieje heure.

Funs is ein fervent hockeysjpeler, dat deit hae al sinds zien 7de biej H.S. Scoop. Nao twee jaor in biej Heren I te höbbe gesjpeeld moosj hae door zien sjtudie sjtoppe, mer hae koosj toch niet zonger hockey. Funs haet toen zellef Heren 3 operich wovan Funs zowaal aanveurder en coach waar. Aafgeloupe jaor haet Funs auch regelmaotig mitgesjpeeld bie de veterane B van Scoop.

In ut weekend is Funs regelmaotig te venje in de kaffees rondj de Mert, wo hae veural vööl te venje is bie ‘Ich en Dich’, ‘Der Gulden Haen’ en löp hae regelmaotig bènne biej Schtad Zitterd.

Funs is auch en fervent autoleefhöbber, ziene grote hobby dao biej is ziene klassieke Mini Cooper, womit hae bies joon waer geit toere door ut Limburgse landj en mit deit aan Mini-rally’s.

Ut Prinselikbloud sjtruimp bie de femieje Hermans door de aore. Funs ziene Pap Ron waar in 1985 Sjtadsprins. Ziene euvergrootvader Harrie waar in 1927 Prins van Zitterd en dae ziene broor Baer waer Sjtadsprins van Zitterd in 1930. Auch de broor van de oma van Funs, Arno Dieteren is Prins van Zitterd gewaes.

Funs löp al van kènsj aan mit in de optoch , eesj mit de Sint Petrussjool en later mit eine grop vrunj waomit de meis oeteinloupende motto’s zeen oetgebeeld. Zo is leip Funs onger angere mit es Roetwesjer bie Sabic en es ‘Auw tesj’.  De Prinsedruim haet Funs  al van kènsj aaf aan. Toen op sjool woort gevraog wie hae zich ging verkleije waar ut antwoord niet Kowboy of Indiejaan verkleid wou zeen, met es Sjtadsprins. Op de Sint Petrussjool haet hae 1997 es eesjte sjool Prins al kenne pruive aan ut Prinssjap. Funs bezuik auch al van kènsj aan same mit de mam en ziene brouwer de Insjtellasezitting, onger ut opbrenge van de nuuje Prins ging Funs op de sjtoul sjtaon om niks te kenne misse. Hae haet auch gein insjtelasezitting in al die jaore mee euversjaage. Dit jaor zal Funs zellef ut middelpunt zeen van de Insjtelasezitting.

Funs en zien femieje:

Funs is de auwste zoon van Ron en Vivian (vief) Hermans. In 1990 haet Ron de bekende interiejeurzaak Hermans euvergenomme van ziene pap en oppe Sjteivig ein nuuj zaak geaopend. De zaak is oetgegruijd pes ein zaak die gesjpisaliseierd is in interijeur, van nuuj interjeur pes renevase en resterase. Ron dae zellef Prins is gewaes in 1985 is auch waal bekent es de Auwt Prins mit dae witte raegejas en is jeederjaor op Vastelaovesdaendig mit de SAP (Sjteiviger Auwt Prinse) in de sjtad te venje mit de oranjejes en ur bord ‘Zitterd min Gelaen’. Ron is veurzitter van de kemmise ‘Grosse Nummer’ van de Auwt Prinse en lid van de sjponser kemisse van de Zittesje Revuu. In de vrieje teid is Ron veurzitter van biljartvereiniging ‘Het blauwe krijtje’ en ‘Il Presidente’ van kaokklup ‘De Sjatte van Zitterd’.  De mam van Funs Vivian Hermans- van Dooren in gebaore in Bunj en opgegruijt in Mesjtreich. In 1986 leerde zien Ron kenne op ut Zittesj auw Wieverbal en in 1987 zeen zie getrouwt. Zie werk same mit Ron in de zaak. Same mit zeuns Funs en Dre in de kenjerwaage leip zie mit in de optoch mit de Sint Petrussjool en Vivian zènk al jaore mit in ut Marotte CD koor op de Marotte CD’s. Hobby’s van Vivian zeen onger angere Teikene, Meziek, Kaoke, laeze en wanjele. Dat letste deit zie mit hun drie hunj en regelmaotig same mit Funs en Dré.     

Funs haet en vrundjin Floor Zillen. Zie is auch 22 jaor en is gebaore veurmalige krankehoes van Gelaen en haet pes häör 20ste bie de auwesj gewoont in Sjpaubaek, noe woont zie veur häör sjtudie verpleegkunde in Haerle. Veur häör sjtudie haet zie veurigjaor stage gelopue in Ghana en zie wirk bie ‘Jewel’ in Zitterd. Auch Floor sjpeelt hockey bie Scopp dao höbbe Funs en Floor ein auch lere kenne.  Floor is auch ein richtige vastelaovesvierder, get wat zie auch noots zal wille misse.

Funs haet nog eine jongere brouwer Drè va 20 jaor. Hae sjtuderierd ICT op Leeuwenborg en wirk bie Foroxity. In zien vriejetied is hae drummer en sjpeelt hae mit zien bend ‘As Heavens Collide’door gans ut landj en Belsj.  Dré haet auch euin vrundjin Eva-Luna wo hae gaer mit op sjtap geit. Net es zien brouwer Funs mis hae gein van de Zittesje Zittinge. Funs en Drè höbbe al jaore langk de discussie wae van hun twee Zittesj Sjtadsprins zou maege waere.

Tot Sjtadsprins van Zitterd is benuimp de Heer Funs Hermans, hae zal regeiere euver ’t Zittesj Marotteriek es Prins Funs II.