© 2011 WWW.VASTELAOVENDZITTERD.NL, alle rechte veurbehauwte, niks oet dees website maag waere gepubliceierd zonger toesjtomming

Webdesign: RBZitterd 2011

Zondig 12 Fibberwarie, de waek veur de Vastelaovend, trök es opwermer veur de Vastelaovend weier de KenjerOptoch door de sjtraote van oos Zitterd. De KenjerOptoch vertrek om 13.33 oet vanaaf parkeiergeraasj de Wieer en dan door de bennesjtad van Zitterd pes oppe Mert. Nao aafloup van de KenjerOptoch zal Prins Funs II mit de tradisjonele appelsieneraege vanaaf de kios honderde appelesiene sjmiete nao de mechelkes en sjnaake en reik Prins Funs II de Eere Wimpels van de KenjerOptoch oet. Nao de appelsieneraege is ein muzikaal kenjerprogramm mit de Zittesje sjlaagesj en de KenjerVastelaovesleidjes van de letste jaore.

Jeederein dae mit wilt trekke in de KenjerOptoch mot zich tössje 12.33 en 13.11 oer verzamele bie parkeiergaraasj de Wieer. Aan de kantj van de Parklaan mot me zich dan aanmelje bie de leede van ut Optochkommitee en Klub Wovan, hie kriege alle kenjer die mittrekke in de KenjerOptoch es aandenke ein kenjer medaaje. Hie krig auch jeedere gröp ein nommer en te heure welke plaatsj ze in de optoch kriege. Auch krig de zjurie alvas ein eesje indruk van de groppe die in de KenjerOptoch mittrekke.

 

Om 13.33 oer vertrek de KenjerOptoch vanaaf de parkeiergaraasj. Sjtadsprins Funs II zal same mit Vors Marot Harie en de Marotte bie ut Vastelaovesmonement de ganse KenjerOptoch bekieke om dan es letste de KenjerOptoch aaf te sjloete en ziene grandioze intoch maake door de sjtraote van zien Marotte sjtad Zitterd.

 

NUUTS:

De Kenjeroptoch wurt auch dit jaor weir op TV oetgezonje. L1 TV verzörg ein laif oetzendig van de Kenjeroptoch vanaaf de Mert mit auch beelde van de appelesieneraege. Sjreekomroup Sjtart filmp de KenjerOptoch in de Meulebaeksjtraot dees beelde waere saoves (12-02) vanaaf 18.00 oer oetgezonje.

Veur de KenjerOptoch haof me zich neit van te veure aan-te-melje, zodat de mechelkes en sjnaake tot op ut letste moment kenne mittrekke in de KenjerOptoch. Waal vreug ut Optochkommitee mit name aan de grote groppe om hun motte en ein korte omsjrieving van de grop door te gaeve aan Cor Baltis van ut Optochkommitee via info@optoch.nl of cor.optoch.nl, dit zodat de versjlaaggaevesj van de TV oetzendige ein beeld höbbe waat de groppe oetbeelde.

 

Roete van de KenjerOptoch:

De roete van de KenjerOptoch is dit jaor get aangepas, Hiedoor trèk de KenjerOptoch dit jaor 3x euver de mert!!

 

Verzamele tössje 12.33 en 12.55 oer bie parkeiergeraasj "de Wieer"

 

Vertrek KenjerOptoch om 13.33 oer.

De optoch trèk via:

Walsjtraot

Helsjtraot

Meulebaeksjtraot

Mert (veurlangs V&D)

Plaksjtraot (13.44 oer)

Putsjtraot (13.51 oer)

Mert

Auw Mert

Kloosterplien

Daeke Thijssesjtraot (14.11 oer)

Walramsjtraot

Euverhaovenersjtraot

Sjteivig (14.43 oer)

Veursjtad (14.55 oer)

Brandsjtraot

Lommerichersjtraaot

Mert (15.11 oer)