KENJEROPTOCH - Vastelaovend in Zitterd 2018

Ga naar de inhoud

Hoofdmenu:

OPTOCHTE
KÈNJEROPTOCH: ZONDIG 4 FIBBERWARIE 2018
Geplaatsj: 25 Jannewarie 2018
Zondig 4 Fibberwarie, de waek veur de Vastelaovend, trèk es opwermer veur de Vastelaovend de KenjerOptoch door de sjtraote van Zitterd. De doezende luuj langs de kantj kènne geneite van grote groppe van sjole mit soms mee es honderd deilnummesj, mer ouch klein groppe van kenjer en humorvolle enkelinge. De neudige hermenieje en zaate hermeniekes zörge veur de muzikaal Vastelaovesklanke. ‘T Letste gedeilte van de Kenjeroptoch is taeves de offisjeel intoch van Sjtadsprins León I, hae wurt daobie veuraaf gegange door de Auw Prinse, de Prinsegarde en de Marotte.

De KenjerOptoch vertrek om 13.33 oet vanaaf ‘t 'Maaslandpark’ (Auwt Ziekehoes) en trek dan door de bennesjtad van Zitterd pes oppe Mert. Nao aafloup van de KenjerOptoch zal Sjtadsprins León I bie de tradisjonele appelsieneraege vanaaf ‘t podium honderde appelesiene sjmiete nao de mechelkes en sjnaake en reik hae de Ere Wimpels van de KenjerOptoch oet.

Deilname:
Veuraaf aanmelje veur deilname aan de Kènjeroptoch is neit verplich, zodat de kenjer nog pès ’t letste moment kenne besjlisse om mit te trekke in de Kenjeroptoch.
Ouch al is veuraaf insjrieve veur deilname neit verplich, toch haet ’t Optochkommitee ’t verzuik aan de deilnummesj om zich veuraaf digitaal aan te melje via 't insjriefsysteem op www.optoch.nl/aanmelden. Op dees menneier haet 't OKZ al de neudige infermase euver de deilnummesj en kénne zie ein euverzich veurbereide veur de versjlaaggaevesj van de laif TV oetzendig op L1. Bie hun kommentaar kénne zie dan get euver eure grop en 't ongerwerp dat wurt oetgebeeld vertélle.

Let Op: Es geer in de Kénjeroptoch gezjureiert wélt waere dan mot geer uch veur 13.15oer op ‘d'n Opsjtart’ op 't Maaslandpark aanmelje/insjrieve bie de lede van 't Optochkommitee. Zonger dees aanmeljing ként waal in de optoch mittrekke, mér ként geer geine pries wénne.

Roete van de KenjerOptoch: (vertrek 13.33oer)
Riekswaeg Noord, Walramsjtraot, Euverhaovenersjtraot, Sjteivig, Veursjtad, Brandsjtraot, Lömmerichersjtraot, Meulebaeksjtraot, Nuujsjtraot, Plaksjtraot, Pötsjtraot, Mert, Auw Mert, Kloosterplien (ontbènjing)
Bron: Optoch Kommitee Zitterd
Foto's: RBZitterd / Vastelaovend in Zitterd
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
Terug naar de inhoud | Terug naar het hoofdmenu