GROOTE OPTOCH - Vastelaovend in Zitterd 2018

Ga naar de inhoud

Hoofdmenu:

OPTOCHTE
GROOTE VASTELAOVESOPTOCH: 11 FIBBERWARIE 2018
Geplaats: 25 Jannewarie 2018
Op Vastelaoveszondig 11 Fibberwarie trek de Groote Vastelaoves Optoch door de sjtraote van Zitterd. Doezende luuj zulle de waeg weier nao Zitterd weite te venje om te geneite van de veur Zitterd bekende Groote Waages, groote groppe, humorvolle köppelkes, einzelgänger, meziek en nog väöl mee.
Om 12.55 oer vertrek de Optoch vanaaf ’t Maaslandpark (Auwt Ziekehoes). De optoch wurt aafgejlaote door Sjtadsprins León I, dae vanaaf ziene Prinsewaage doezende appelsiene zal sjmiete nao de luuj langs de kantj.
 
Nao aafloup van de optoch zörg eine DJ veur Vastelaovesmeziek op de Mert. Rondj 18.00oer is ‘t sjpannende moment veur de optochdeilnummers es de Prieze van de Optoch waere oetgereik.

Deilname:
Jeederein dae wilt mittrekke in de Groote Optoch mot zich veur deilname aanmelje bie ’t Optochkommitee. Zonger insjrieving kent geer NEIT mit trekke in de Groote Optoch.
Insjrieve kent via 't digitale insjriefsysteem dat 't Optoch Kommitee aafgeloupe jaor ingebroek haet genomme. Via dit systeem is ’t muigelik om in drie sjtappe uch aan te melje veur deilname aan de grote optoch en kénjeroptoch. Aanmelje veur deilname kent op de websait van ’t Optoch Kommitee via http://optoch.nl/aanmelden
Veur vraoge of mee infermase ként geer kontak opnumme mit de Optochsamesjteller Roy Moerskofski via aanmelden@optoch.nl.
Aanmelje veur deilname aan de Groote Optoch kent pés Gounsdig 7 Fibberwarie 17.11oer.
Deilnummesjlies, APPtoch
De letste jaore is ’t papiere programmbuikske vervange door ein digitale verzie in de vorm van eine app: ‘de APPtoch’. In dees ‘APP’ is de volgorde van de optoch mit omsjrieving van de deilnummesj te vènje net es de roete van de optoch en algemein infermase es parkeierplaatsje. Om gebroek te make van de ‘APPtoch’ bie ’t kieke nao de optoch is ein internetverbinjing neudig bv WiFi of 3G. De deilnummesjlies is taeves (vanaaf vastelaoveszaoterdig) es PDF te downloade via de websait van ’t optochkommitee (www.optoch.nl).

D’n Opsjtart, werm dreeje veur d’n Optoch
De Optoch vertrek vanaaf 't Maaslandpark (Auwt Ziekehoes). Vanaaf 11.00oer sjtart hie d’n Opsjtart, zo is veurdat de optoch geit trekke al vanalles te doon en is veur de deilnummesj nog ein hepke en drenkste te kriege. Vanaaf 11.00oer sjtaon op d’n Opsjtart taeves alle waages die mit trekke in de optoch opgesjtèlt. Mit dees tentoonsjtelling kent jederein de waages, wo de waageboewesj maonje aan höbbe gewirk, al op 't gemaak bekieke. D’n opsjtart is taeves de verzamelplaatsj en opsjtelplaatsj van alle deilnummesj aan de groote optoch.

Roete van de Groote Optoch (vertrek 13.00oer):
De Optoch haet dit jaor ein gewiezigde en kortere roete
Opsjtelling, ‘d’n Opsjtart’: Evenementeterrein Maaslandpark (Auwt Ziekehoes)
Roete: Euverhaovenersjtraot, Riekswaeg Noord, Walramsjtraot, Parallelwaeg, Sjtaasedwaesjsjtraot, Sjteivig, Veursjtad, Brandjstraot, Lömmerichtersjtraot, Mert, Auw Mert, Kloosterplien, Daeke Tijssesjtraot, LIgne brök, Ligneplien (ontbènjing)
Bron: Optoch Kommitee Zitterd
Foto's: RBZitterd / Vastelaovend in Zitterd
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
© WWW.VASTELAOVENDZITTERD.NL 2003-2018
Terug naar de inhoud | Terug naar het hoofdmenu