© 2011 WWW.VASTELAOVENDZITTERD.NL, alle rechte veurbehauwte, niks oet dees website maag waere gepubliceierd zonger toesjtomming

Webdesign: RBZitterd 2011

1. JO DE LA

Teks en meziek: Thei Wessels

Zangk: Paul Jean Jessen

 

Mit de vastelaovend doe zag Toos taege Jo:

“Wach mer pès vanaovend, dan sjtael ich vas de sjo

Maske, huidje, zökke die haol ich oet de kas”

Mer dat wól neit zo lökke went de la zout maore vas…

 

Refrein:

Jo de la die…is kepot!

Jo de la die…is riep veur biej ‘t sjrot

De la Jo, de la Jo, waat bèste toch ein sjaop

Jo de la, Jo de la, Jo de la mót aop!

Jo de la, Jo de la, gaef mich nog ein bietje haop ) 2x

 

Jo lout zich neit kènne. Hae vuilde al de zaeg

In zien hendjes brenne. Dao waar mer eine waeg

Nao get urkes wuile doe woord ‘r toch get sjoew

De ganse kas vermuibelt mer de la’s die bleve toew…

 

Jo sjnapde d’n hamer en gouf de la ein vaeg

Die vloog door de kamer mer waar harsjtikke laeg

Jo góng door ’t dölle mer och dao vónj mich Toos

Häör vastelaovesprölle in ein auw kertónne doos…

 

Sjlot:

Angesj kóm ich neit in sjlaop (2x)

 

 

2. ‘T EI VAN DE PAPPEGEY

Teks en Meziek: Raymond Goulding

Zangk: Raymond Goulding en Kelly Damioseaux

 

Refrein:

Dit is ’t ei…. van de pappegey,

Dae zal noe rood gael gruin gaon kleure.

Dit is ’t ei…. van de pappegey,

En went d’r oet kump dan geit d’r get gebeure.

’t Kuuke zèt zien sjèllepatsj noe aaf,

En ’t eesjte waat d’r reip waar …. Alaaf!

Hae haet ’t noe al lang ónger de knei,

’t kump vas en zeker …. in De Pappegey.

 

De Pappegey dat is ’t sjoonste blaad,

Dae kump mèr einmaol oet per jaor.

En veur ze ’t wits dan bes-te al te laat,

Dan zeen de sjtökskes en foto’s al weier klaor.

Hie höbbe veer ein gans jaor op gewach,

De Marotte höbbe dao hun ei gelag.

 

De nuuje prins dae sjteit dao veurop,

Dat zuus-te zo aan zien gezich.

Met ziene sjteek en vaere oppe kop,

Dao haet hae zich noe al jaore op gesjpich.

Zien proklamaase vanaaf ’t begin,

En ouch zien motto dat sjteit al weier d’r in.

 

En ouch de sjlager van ’t nuuje jaor,

Sjteit mit meziek en teks dao in.

De nuui cd is vas en zeker klaor,

Mit heel sjoon leidjes van noe en ’t begin.

Veur óze prins en ouch ós Vorst Marot,

Kènt Vastelaovend dan noe al neit kepot.

 

 

3. DOE BES GEWELDIG

Teks: Ed Geilen, Meziek: Petro Willems

Zangk: Gein Haor Baeter

 

Doe maaks dich vaerdig veur 't auwwieverbal, en haols dan

alles oet de kas.

De aovend dae hiej ummer blieve zal, want ónherkènbaar zeen,

is dao de sjpas,

En brènge die auw wiever, de mansluuj van de wies,

dan is metein al dudelik sjoon lelik is neit vies.

 

Refein:

Doe bès geweldig,(3x) lelik leive sjat.

Dus ich vertèl dich, jao ich vèrtel dich,

mit zo get leliks loup ich gaer door de sjtad.

Mien sjoonst verkleide maedje wurt ein zittesj auwt wief, mit

rumpele gezich en rotte tenj.

Dae bebbel geit nog vlot allein die knöök zeen get sjtief, de

wanjelsjtek dae höbste in de henj.

Doe bès geweldig,(3x) lelik leive sjat.

 

Doe vlugs es heks gaer door de sjtraote haer, de bessèm sjtrang

tösje de bein.

De luuj aan't sjrikke make deiste gaer, en ouch dien sjtöm die

geit door merg en bein.

En is om twellef oere, dien sjpreuk al oet gewirk,

Vleig dan neit mit dae bessem op de tore van de kirk.

 

Dich bes mit vastelaovend oere kwiet, óm lelik auwt geschmink

te zeen.

Dat is daoróm waal eine dure tied, want alle verf die zit van top

tot teen.

Maar bès dich sjtraks get auwer sjat dan kos 't dich de hèlf,

Want dan kómme die rumpele en vauwe gans van zelf.

 

Coda:

Maar allein mit vastelaovend dus ich höb gelök gehad.

 

 

4. MIT VASTELAOVEND HILT MICH GEINE TAEGE

Teks en meziek: Ben van der Venne

Zangk: Ben van der Venne en Bart Barrios

 

Refrein:

Mit vastelaovend hiltj mich geine taenge,

Mit vasteloavend sjprèng ich oet de bandj.

Al geef ’t hagel, sjnee of raenge,

‘ch wil nao de sjtad, dao is get aan de handj.

Went mit dees daag sjient veur mich altied de zón,

Dit is mien laeve en ich mein ’t ech.

Ich wil hie neit meer weg !

 

’t Ganse jaor mótte veer mer sjófte,

‘t Ganse jaor dae verdomde sjtres.

’t is mer jage en mer klage,

Went veer wille ummer mee en mee.

Wie-nee zeen veer noe èns eine keer kontent,

’t geit ummer om de pieke, de duite en de sent.

 

Ich zègk al oerelangk; dit is de lèste,

Ich zègk al oerelangk; ’t is gedaon.

Mer de lèste sjmaak ummer noch ’t beste,

En ich kèn mer neit nao hoes toe gaon.

Mit dit sjtèl gekke blief ich nog effe plekke,

En veur jeder dae ’t heure wil, roup ich mit heisje sjtöm:

 

Mit vastelaovend geiste get belaeve.

Went vastelaovend……jao dat is mien laeve!!!

 

 

5. KENJERLEIDJE 2011: ‘T VLEMKE

Teks: Ger Bertholet, Meziek: Mo’Jones

Zangk: Kenjerkoor: de Vlemkes van ‘t Mozaïek

 

 

MEDLEY: TEUN VAN JEUN

 

6. ‘T VERSJIL

Teks en Meziek: Jeun Schelberg; Zangk: Paul-Jean Jessen

 

7. FLUPKE

Teks en Meziek: Jeun Schelberg; Zangk: Fieny Moerskofski, Maike Frenken & Chrissy Steinen

 

8. ZOU ‘T ENS WENKE

Teks en Meziek: Jeun Schelberg; Zangk: Jan van Daal

 

9. MIT JOZEKE

Teks en Meziek: Jeun Schelberg; Zangk: Paul Ruigt

 

10. VANAAF 1 JANNEWARIE

Teks en Meziek: Jeun Schelberg; Zangk: Bart Barrois, Maike Frenken & Chrissy Steinen

 

11. ‘T FITSKE

Teks en Meziek: Jeun Schelberg; Zangk: Ron Hunnekens & De Vlemkes van ‘t Mozaïek

 

12. ZO VIERT ZITTERD VASTELAOVEND

Teks en Meziek: Jeun Schelberg; Zangk: Rene Dirkx

 

13. JEUN EN JEUNKE

Teks en Meziek: Jeun Schelberg; Zangk: Jeun Schelberg & Jeunke mit de Vlemkes van ‘t Mozaïek